Զիկա վիրուսն այլևս միջազգային խնդիր չէ. ԱՀԿ. 1in.am

Զիկա վիրուսն առողջապահական ոլորտում այլևս արտակարգ իրավիճակ չի համարվում՝ ասվում է ԱՀԿ հայտարարությունում, որը տարածվել է Զիկա վիրուսին առնչվող իրավիճակի հարցերով արտակարգ կոմիտեի 5-րդ նիստի արդյունքներով՝ փոխանցում է RIA Novosti-ն։

«Արտակարգ կոմիտեն կարծում է, որ Զիկա վիրուսը և դրա հետ կապված բարդությունները մնում են հանրային առողջապահության ինտենսիվ գործողություններ պահանջող խնդիր, սակայն այն արդեն արտակարգ իրավիճակ չէ միջազգային նշանակության առողջապահական ոլորտում»,- ասվում է հայտարարությունում։

Արտակարգ կոմիտեն խորհուրդ է տալիս մշակել այդ հիվանդության և դրա բարդությունների դեմ պայքարի համար աշխատանքի կայուն ծրագիր։

Ավելի վաղ ԱՀԿ-ն Զիկա տենդի համաճարակը պանդեմիա էր հայտարարել։ Այն երկրներում, որտեղ տարածված է Զիկա վիրուսը կրող Aedes Aegypti մոծակը, կիրառվում են այդ միջատների պոպուլյացիայի վերահսկման արտակարգ միջոցառումներ։

Հարցեր, պատասխաններ, մեկնաբանություններ